Donostiako (Gipuzkoa) haurtxokoetako eta gaztelekuetako langileek, hiriko hainbat haur eta gurasorekin batera, protesta egin zuten atzo, hilak 9, 100 egun langabezian daramatzatela salatzeko. Izatez, orain dela 100 egun itzuli behar ziren haien lanpostuetara, baina zentroak itxita daude oraindik. Udal gobernua jo zuten haien egoeraren erantzuletzat. Bestalde, haur eta gazteentzako aisialdi duina aldarrikatu zuten.