Negoziaketen ostean, urriaren erdialdean lortu zuten akordioa ITP Aeroko zuzendaritzak eta CCOO eta UGT sindikatuek. Hala, adostu zuten Zamudioko (Bizkaia) lantegian 121 behargin kaleratzea, modu mailakatuan: aldi baterako kontratua duten 71 langile kanporatuko dituzte, eta aurretiko erretiroa hartzera behartuko dituzte beste 42 behargin. Horretaz gain, zortzi baja sustatu ditu zuzendaritzak.
Bestalde, azken egunetan jakinarazi dutenez, aldi baterako lan-erregulazio espedientea ezarriko diete orain Zamudion soldatapean aritzen diren 426 langileri. Guztira, 1.200 langile inguru dira fabrikan.