71 urte beteko ditu larunbatean Jakes Esnal preso politikoak. 31 urte baino gehiago daramatza preso Frantziako Estatuan, biziarteko zigorrarekin. 1990eko apirilean atxilotu zuten, ETAren hainbat ekintzarekin lotuta, eta hainbatetan ukatu diote baldintzapeko askatasuna. Urtemuga baliatuta, mobilizazioa egingo dute larunbatean Donibane Lohizunen (Lapurdi), Bake Bideak deituta.
Harekin batera atxilotu zituzten, duela 31 urte baino gehiago, Ion Kepa Parot, Unai Parot eta Frederic Haranburu Xistor ere. Azken horri iaz onartu zioten baldintzapeko askatasuna, baina espetxean jarraitzen dute gainerakoek. Izan ere, hainbatetan egin dute baldintzapean aske geratzeko eskaera, baina atzera bota diete beti.