Abadiñon emakume bati eraso dio bere bikotekideak

Joan den ostiralean izan zen erasoa Abadiñon; atxilo eraman zuten 41 urteko erasotzailea.

Aurreko ostiralean, martxoaren 4an, emakume bati eraso zion bere mutil lagunak, Abadiñon (Bizkaia). Eusko Jaurlaritzako Segurtasun Sailak azaldu duenez, bikotekidea jo zuen 41 urteko gizonezkoak; larrialdi-zerbitzuei hots egin zien emakumeak, laguntza eske.

Emakumeak lesioak zituen erasoaren ondorioz, eta ospitalera eraman zuten. Erasotzailea, aldiz, atxilo eraman zuten poliziek.

in AKTUALITATEA

# Indarkeria matxista

Espainiako Gobernuak langileen soldaten murrizketak sustatuko ditu, "Ukrainako gerraren efektuei aurre egiteko"

"Garai zailak datoz", adierazi du Pedro Sanchez presidenteak. CEOE patronalarekin eta UGT zein CCOO sindikatuekin "errenten hitzarmena" bilatuko du, "soldaten moderaziorako". Gasaren, erregaien eta argindarraren prezioen igoeraren aurrean, "murritzagoa izango den aberastasuna banatzeko beharra" iragarri dute gobernu-iturriek. Gasaren prezioa egonkortzeko neurriak ezarri nahi omen dituzten arren, Europako Batzordeko presidenteorde Josep Borrellek "berogailua jaitsi eta gas gutxiago kontsumitzeko" eskatu dio biztanleriari.