Pasa den apirilaren 19an, Hondarribiko Egiluz jauregia birjabetu zuten Hondarribiko Gazte Asanbladako kideek, eraikina gaztetxe bilakatzeko proiektua abiatu asmoz. Birjabetzearen ondorioz, asanbladako lau kide identifikatu zituen Ertzaintzak, eta deklaratzera deitu zituzten.
Gaur, apirilak 29, hasi da beren aurkako epaiketa, Irungo epaitegian. Hasiera batean, apirilaren 24an egitekoak ziren. Eraikina okupatzeagatik “delitu arinak” egin dituzten edo ez ebatziko dute bertan. Deklaratzera deitu dituzten lau gazteetatik hiruk deklaratuko dute gaur; izan ere, laugarrena adin txikikoa da, eta Donostian deklaratu beharko du.