San Migueleko parke eolikoan, Tebas-Muru Artederretan (Nafarroa), sute bat izan zen larunbat arratsaldean. Hain zuzen ere, aerosorgailuetako batek hartu zuen su, arratsaldeko 19:00ak aldera. Sutan zegoen materiala erori bazen ere, badirudi aerosorgailuak baino ez zituela kalteak jasan. Oraindik ez dute zehaztu zeintzuk izan ziren sutea pizteko arrazoiak, eta zabalik jarraitzen du ikerketak.