Aiaraldea (Araba eta Bizkaia) eskualdeko lantegietako langileek Laudioko (Araba) kaleak bete dituzte gaur goizean, Tubacex enpresan greba mugagabean dauden beharginei eta, zehazki, 129 kaleratuei babesa adierazteko. Enpresaren zuzendaritzak joan den ostegunean adierazi zuen azkenean 129 behargin kanporatuko dituztela Laudioko eta Amurrioko (Araba) lantegietatik; hain zuzen, zuzenean kaleratuko dituzte 95, aurretiko erretiroa hartu beharko dute hamabik, eta borondatezko bajak beste hamabik.
Autoglas, Guardian, Amurrio Ferrocarril, Envases, Tubos Reunidos, Maderas, Vidrala, Jez, Deguisa, Inauxa, Imegar, Berriak eta Montajes Jauregi enpresetako beharginek hartu dute parte gaurko manifestazioan, besteak beste.