COVID-19ak sortutako larrialdiak eragin nabarmena izan du turismoaren sektorean ere. Etxebizitzak turismorako alokatzen jarduten du Airbnb multinazionalak, eta mundu mailan soldatapean dituen 7.500 langileetatik 1.900 kaleratu berri ditu, nazioarteko plantillaren %25, alegia. Bestalde, momentuz, bertan behera utzi ditu Airbnb Studios bisita birtualen web-orrialdea eta garraio-zerbitzuak.
Enpresak zazpi milioi etxebizitza proposatzen ditu alokairurako, eta Euskal Herrian daude horietako asko. Etxe horien jabeak ez dituzte zuzenean plantillaren barruan kokatzen.