Aintzane Pujana urtarrilaren 4an topatu zuten hilotz Aizarnazabalen (Gipuzkoa), indarkeria zantzuekin. 32 urte zituen donostiarrak, eta haren bikotekideak hilaren 1ean salatu zuen haren desagerpena.
Bi pertsona atxilotu zituzten urtarrilaren 12an Pujana labankadaz erail izana leporatuta. Antza, 24 urteko gizonezko bat eta 23 urteko emakumezko bat dira hiltzaileak. Hainbat hedabidek gaur azaldu dutenez, hildakoa legez kanpo atxikitzea nahiz sexualki esplotatzea ere egotzi diete.
Poliziak auziari lotutako frogak aztertu eta bi atxilotuek deklarazioak egin ostean erabaki du Azpeitiko (Gpuzkoa) 1. Instrukzio Epaitegiko epaileak bi akusazio berri horiek zabaltzea.