Gaur goizean irten da Martuteneko (Gipuzkoa) espetxetik Jon Gurutz Maiza preso politiko etxarriarra, zigorra osorik beteta. 71 urte ditu gaur egun, eta gaixotasun ugari atzeman dizkiote gatibu dagoenetik: hipertentsioa, diabetesa, ikusmen arazoak, eta abar. Azken urteetan sarri ohartarazi dute bere osasun-egoera larriaz.
Duela hamabost urte atxilotu zuten Frantziako Estatuko Rodez herrian, 56 urte zituenean. La Santé, Saint Maur nahiz Lannemezaneko kartzeletan izan dute preso, zigorra Frantziako Estatuko auzitegiek jarrita. Espetxealdiaren azken zazpi hilabeteak, dena den, Martuteten bete ditu, Maizak berak hala eskatuta.
2007tik izan dute kartzelan preso, baina etxetik ihes eginda zegoen aurretik. Zehazki, 44 urte egin ditu etxetik kanpo, ihesaldia eta kartzelaldia kontuan hartuta.