Guardia Zibilak pertsona bat atxilotu du Amurrion (Araba), Internet bidez mezu "iraingarriak" zabaltzea egotzita. 4 milioi jarraitzaile baino gehiago ditu sare sozial batean, eta honakoa idatzi zuen bertan aurreko urtean: "Polizia hila, baratzerako ongarririk onena" ("Mejor poli muerto, abono para el huerto"). Irain-delitu bat egitea leporatzen diote.
Iazko martxoan, Los Palacios (Sevilla) parean harrapaturik hil ziren bi guardia zibil. Polizia-indarrek diotenez, atxilotutako pertsonak gertakari horien harira idatzi zuen aipatutako mezua. Itxura denez, 2024ko maiatzean dei anonimo bat egin zuen amurrioarrak Castellóko Guardia Zibilaren telefonora, eta orduan hasi zen bere aurkako ikerketa.