Polizia-indarren herenegungo oldartzeen ondotik, atzo berriro eseri ziren Barakaldoko (Bizkaia) lantegiaren aurrean ITP Aero Castingseko langileak. Enpresako zuzendaritzak astelehenean gauzatu zituen Barakaldoko eta Sestaoko (Bizkaia) plantetan iragarritako 90 kaleratzeetatik 83, eta beste zazpi ditu mahai gainean. Antza, martxoaren 31rako erabakiko dute zazpi behargin horiek ere kanporatu egingo dituzten edo ez.
Astelehenean horren harira egin zuten protesta Barakaldoko fabrikaren atarian, eta gogor oldartu zitzaizkien ertzainak.
Momentuz, dena den, epaitegietan dago aztergai zuzendaritzak ezarritako lan-erregulazioa, eta mobilizazioekin jarraitzen dute langileek. Ekonomia Garapeneko Sailak muzin egin dio langileekin biltzeari, haiek izandako "jarrera biolentoengatik".