Azken aste honetan, Segur erreformak sortutako "desorekak" salatu dituzte Baionan (Lapurdi) medikuntza sozialeko langileek, grebak eta mobilizazioak antolatuz. Neurri sorta berri horren bidez, medikuntzako beharginek izango duten soldata emendatzea ez zaie aplikatuko medikuntza sozialeko langileei. Halaber, gero eta latzagoak diren lan-baldintzak salatu dituzte; batez ere, pandemia garaian.
400 behargin inguru batu ziren pasa den astean Baionako karriketan, medikuntza sozialeko langileek jasandako murrizketak salatzeko. Langileen ordezkariek atzo adierazi zutenez, greba eta protesta mugimenduak berretsi dituzte.