Xabier `Perez Aldunate preso politiko txantrearra 2021etik egon da etxean gatibu, Espainiako Estatuko auzitegiek jarritako zigorra betetzeko. Guztira, hemeretzi urtez eduki dute preso: hainbat espetxetan izan ostean, 2021ean sartu zuten etxeko atxiloaldian, eta 2024an ezarri zioten hirugarren gradua. Gaur, asteazkenean, baldintzapean aske geratu da.
2005. urteko otsailean atxilotu zuten iruindarra, eta ordutik izan dute preso. Atxiloaldian polizia-indarrek torturatu egin zutela salatu zuen epailearen aurrean.