Goizaldean, kamioi bat bidetik atera da LR-124 errepidean, Errioxako San Vicente de la Sonsierra herriaren parean. Gerora hainbat hedabidek esan dutenez, "kausa naturalak" zirela-eta hil da ibilgailua gidatzen ari zen langilea, eta gerora izan da trafiko-istripua. Barakaldokoa (Bizkaia) zen behargina, eta 56 urte zituen.
Urtea hasi zenetik, Euskal Herrian, gutxienez zortzi langilek galdu dute bizia soldatapean lanean ari zirela. Lan-heriotzetako bi izan dira Barakaldon.