"Arte plastikoek eta muralgintzak kultur borrokan duten lekuaz" hausnartzeko, Artea Kalera jardunaldiak egiten ari da Ekida Arte Ekimen Sozialista. Gasteizen (Araba) izan zen lehenengo saioa otsailean, eta bigarren hitzordu baten berri eman du orain: apirilaren 5ean, arratsaldez, Barañaingo (Iruñerria, Nafarroa) Gaztetxean egingo du jardunaldi bat.
17:00etan emango diote hasiera egitarauari: Arte plastikoak, kultur borrokarako tresna hitzaldia egingo dute lehenik eta behin. Horren ostean, 18:30etik aurrera, tailer bat eskainiko dute: Agitaziorako euskarri eta teknika berriak landuko dituzte. Artea Kalera jardunaldien hirugarren eta azken saioa Arrasaten (Gipuzkoa) izango da, baina aurrerago argitaratuko dute egitaraua.