Atzo goizean, lan-heriotza bat izan zen Bilboko (Bizkaia) Abandoko tren-geltokian. Behargin autonomo bat ari zen bertako Cafe Bar La Paradan kristalak garbitzen, baina amildu egin zen: hiru metro inguruko altueratik erori zen. Itxura denez, azpikontratatutako enpresa batentzat jarduten zuen soldatapean, eta, lanean ari zenean, ez ziren betetzen erorikoak saihesteko gutxieneko prebentzio-neurriak. 55 urte zituen.
Urtea hasi zenetik, Euskal Herrian, gutxienez 53 langilek galdu dute bizia soldatapean lanean, lanera bidean edo lanetik bueltan. Nabarmena da, gainera, altuera batetik jausita hil direnen kopurua: hamar izan dira.