Beste bi egunez egin dute greba Gipuzkoako egoitzetako langileek, sektorea duin egitea exijitzeko

246 egun egin dituzte greban Gipuzkoako egoitzetako langileek. Salatu dute haien aldarrikapenei entzungor egiten dietela Aldundiak eta enpresek, eta blokeatuta jarraitzen du lan-hitzarmenaren gaineko negoziazioak. Oraingoan ere %100eko gutxieneko zerbitzuak ezarri dizkie Eusko Jaurlaritzak.

Hala, sektorea duin egitea eta lan-hitzarmenean haien eskaerak barne hartzea eskatu dute berriz, besteak beste, ratioak eguneratu eta langile kopurua handitzea. Ostegunean mobilizazioak egin zituzten Gipuzkoako hainbat udalerritan eta gaur, hilak 12, manifestazioa egin dute Donostian (Gipuzkoa). Guztira, 5.000 langile inguru zeuden grebara deituta.

Beharginen esanetan, pandemia egoerak erresidentzietan lehenagotik zeuden gabeziak azaleratu ditu, beraz, "pribatizazioan eta langileen prekaritatean" oinarritutako sistema aldatzea galdegin dute.

%100EKO GUTXIENEKO ZERBITZUAK

in AKTUALITATEA

# Greba Sindikalismoa

Valentina Morisoli: "Gure borroka ez da gelditzen"

Audio-grabazio bidez helarazi du ondoko mezua Valentina Morisoli preso politikoak, Alcala-Mecon urrunduta eta bakartuta. Azaroaren 16an atxilotu zituzten Morisoli eta Gaizka Astorkizaga eta, "terrorismoa goratzea" nahiz "talde armatuarekin kolaboratzea" egotzita, espetxeratu egin zituzten.