Beste Bi elkarteak jakinarazi duenez, joan den ostiralean etxerik gabeko emakume bat hil zen Bilbon (Bizkaia). Kalean bizi zen eta, antza, gizarte-zerbitzuetan artatzen zuten. Ez dute informazio gehiago argitaratu oraingoz.
Bilbon beste heriotza baten berri ere eman dute hilabete honetan: martxoaren 12an zendu zen 23 urteko pertsona etxegabe bat. Aterpetxe batean egin zituen gauak aurreko hilabeteetan.
Urtea hasi zenetik, guztira, etxerik gabeko lau pertsonak galdu dute bizia Euskal Herrian. Urtarrilean gizon baten gorpua topatu zuten Hendaian (Lapurdi), auto baten barruan; bestalde, hilabete horretan beste pertsona etxegabe baten gorpuzkiak aurkitu zituzten Getxon (Bizkaia). Iazko abenduan desagertu zen.
Aurreko abendu amaieran Zarautzen ere izan zen heriotza bat. Parke batean topatu zuten haren hilotza.