Gazte Koordinadora Sozialistak antolatuta, asteburu honetan Topaketa Sozialistak izango dira Gipuzkoan nahiz Araban; gaurkoan, hain zuzen, Oreretan (Gipuzkoa), Tolosan (Gipuzkoa) eta Gasteizen (Araba) elkartu dira ehunka gazte. Besteak beste, hainbat espazio egokitzeko lanak (Gasteizko Zentro Sozialista berria eta Tolosako Ezpala gaztetxea) eta askotariko ekoizpen lanak (propaganda politikoa egiteko materiala) egin dituzte arratsaldean, baita zenbait ezagutza tekniko lantzeko tailerrak ere.
Gasteizko GKSk salatu duenez, Zentro Sozialistara bertaratu da Gasteizko Udaltzaingoa, eta ataria garbitzen ari ziren pertsonak identifikatu ditu.
Gauean bertso-afaria egingo dute Oreretan, eta horrekin amaituko dute eguna Gipuzkoan. Bihar goizean emango diete jarraipena Topaketa Sozialistei, Legution arabarren kasuan, eta Tolosan gipuzkoarren kasuan.
Ikusi Topaketa Sozialistetako egitarauak