Bilbok (Bizkaia) ere badu Zentro Sozialista: bertako Kontseilu Sozialistak joan den asteburuan jakinarazi du Zentro Sozialista bat ireki duela Deustu auzoan, Aresti izenekoa. Espazio horren bidez, "proletalgoaren antolakuntza independentea sustatu eta bizi-baldintzen okertzeari aurre egiteko gaitasunak metatu" nahi dituzte, eta tokia "elkargune bat" izan dadin ere bilatzen dute; "antolakuntza-gaitasunak irabazteko, formakuntza politikoa sustatzeko, aisialdirako aukera eskaintzeko eta kultura sozialista garatzeko".
Bideo baten bidez erakutsi dute Zentro Sozialista barrutik, eta bertan martxan jarritako proiektuen berri eman dute: oinarrizko produktuen biltegia, ikasleentzako ikasketa-gela, soldatapeko lanari eta etxebizitzari buruzko aholkularitza juridikoa eskaintzeko bulegoa...
Hona hemen bideoa:
🎬 𝐀𝐫𝐞𝐬𝐭𝐢 𝐙𝐞𝐧𝐭𝐫𝐨 𝐒𝐨𝐳𝐢𝐚𝐥𝐢𝐬𝐭𝐚
— Kontseilu Sozialista Bilbo (@Kontseilua_Bilb) January 29, 2024
Hainbat proiektu jarri ditugu martxan Bilboko Deustu auzoan zabaldu berri dugun Zentro Sozialistan. pic.twitter.com/3nGMeMtddm