Eusko Jaurlaritzak Covid ziurtagiria are gehiago hedatzeko asmoa adierazi du berriki. Osasun Sailak prest du ziurtagiria bestelako eremuetan ezartzea ahalbidetuko lukeen dekretua. Euskal Autonomia Erkidegoko Auzitegi Nagusiaren bermea eskatu du arau hori ere indarrean sartzeko.
Covid ziurtagiria ondoko esparruetara zabaldu nahi du Lakuako gobernuak: osasun zentroetara, taberna gehiagotara, espetxeetara eta kirol instalazioetara. Nafarroan, berriz, adinekoen egoitzetan ezarri nahi dute neurria. Litekeena da datorren astetik aurrera indarrean sartzea.