Bihar izango da Itaia Emakumeen Antolakunde Sozialistak aurten antolatutako jardunaldi nazionala, Hernanin (Gipuzkoa). Egitaraua mahai gainean dago jada; Itaiako kideek maiatz amaieran jakinarazi zuten zein eduki landuko zuten hitzaldi bakoitzean, eta orain, ekimen bakoitza non izango den azaldu du.
Bi lekutan egingo dituzte hitzaldiak, aldi berean: Hernaniko Elizatxo Ikastolan eta Latxunbe kirolgunean. Goizeko hitzaldien ostean, bazkaltzeko aukera izango da, eta bi tokitan banatuta bazkalduko dute: Elizatxon eta Latxunben, hain justu. Arratsaldeko hitzaldia ere bi toki horietan izango da.
Iluntzerako, bestalde, hainbat kontzertu prestatu ditu Itaiak. Karpa bat jarriko dute Latxunben bertan, eta han izango dira musika emanaldiak.