Aurreko astean izan ziren Unibertsitateko Indar Batasuna (UIB) aurkezteko saioak Euskal Herriko Unibertsitatean (EHU/UPV). Bilboko (Bizkaia), Gasteizko (Araba), Ibaetako (Donostia, Gipuzkoa) eta Leioako (Bizkaia) fakultate ugaritan egin zituzten hitzaldiak, UIBren nondik norakoen berri emateko eta, besteak beste, ikasturte honetan egiten ari den lana azaltzeko.
Doako unibertsitate batera bidean, EHUn matrikulak merkatzearen eta bekak hobetzearen aldeko kanpaina bat hasi du UIBk. "Ikasleak antolatzera gatoz, milaka ikasleren indarrak batzera eta gure baldintzak hobetzeko borroka egitera", azaldu dute plataformako kideek.