Atzo, irailak 4, emakume bat labanaz mehatxatu zuen bere bikotekideak, Gasteizen (Araba). Andre Maria Zuriaren Koroatzearen kaleko etxebizitza batean jazo zen erasoa, bien arteko eztabaida baten erdian. Semearekin batera etxetik ihes egin eta Ertzaintzari hots egin zion erasotutako emakumeak; hala, azaldu zuen bikotekideak mehatxatu zuela, baita euren etxebizitzan kalteak eragin zituela ere.
Erasotzailea atxilotu zuen Ertzaintzak, "genero indarkeriaren delitua" egotzita. 20 urte ditu, eta atzeman zutenean etxean ez zegoen arren, gainean zeraman labana.