Atzo jakinarazi zutenez, Galdakaon (Bizkaia) atxilotutako gizon bat kartzelaratu du Bilboko (Bizkaia) epaitegiak, bere bikotekidearen etxebizitzari su emateagatik; asteazken gauean izan zen erasoa. Gainera, emakumearen gertuko pertsona baten ibilgailuari ere su eman ote zion ikertzen ari dira.
Horren aurretik ere, emakumeak modu jarraituan jasaten zituen bikotekidearen tratu txarrak. Gizona atxilotua izan baino egun bat lehenago, esaterako, emakumeari eraso zion; jo eta iraindu egin zuen, eta heriotza-mehatxuak egin zizkion.