Emakume bati eraso dio bere bikotekideak, Barakaldon

Gizonak emakumea kolpatu zuen etxean, eta labana batekin mehatxu egin zion.

Astelehen gauean gizonezko bat atxilotu zuten Barakaldon (Bizkaia), bere bikotekideari eraso egiteagatik. Etxean zeudela, hainbatetan jo zuen emakumea, eta, gero, labana batekin egin zion mehatxu. Antza, mozkortuta zegoen erasotzailea. Etxebizitzatik ihes egin eta bizilagun bati laguntza eskatu zion emakumeak.

Ezkerraldeko Itaiak jakinarazi duenez, urtea hasi zenetik, gutxienez lau eraso matxista atera dira argitara Barakaldon.

in AKTUALITATEA

# Indarkeria matxista

Gasteizko Etxebizitza Sindikatuko kide bat atxilotu dute, eta deportatua izateko arriskuan dago

2021ean atxilotu zuten, Ertzaintzak bera ere bizi zen etxebizitza-blokea hustu zuenean, eta deportazio-espediente bat ireki zuten bere kontra. Kidearen berehalako askatasuna exijitu du Etxebizitza Sindikatuak, eta salatu du gertatutakoa ez dela kasu isolatu bat. "Etxebizitza Sindikatuak proletario guztien antolaketa politikorako tresna izan nahi du: autodefentsa sozialista antolatu behar dugu, deportatu ez gaitzaten, etxetik bota ez gaitzatzen", argitu dute.