Joan den larunbatean, 05:30ak aldera, emakume bati eraso zion bere bikotekideak. Gasteizko (Araba) Alde Zaharreko etxebizitza batean izan zen erasoa: antza eztabaida bat izan zuten biek, eta orduan kolpatu zuen lepoan eta aurpegian gizonak. 24 urte ditu.
Emakumeak poliziei hots egin zien laguntza eske, eta haiek etxebizitzara bertaratu zirenean, biak zeuden barruan. Gizonak esan zien bikotekideari bultza egin ziola eztabaida baten ostean. Atxilo eraman zuten poliziek, eta epailearen esku utzi zuten.