Emakume bati eraso egin dio bizilagunak, Donostian

21 urteko gizonezko batek eraso egin zion atzo emakume bati. Erasotzailea emakumearen bizilaguna da, eta biak bizi diren eraikineko gune komun batean etorri zitzaion gainera, ukituak egiteko.

Atzo, osteguna, emakume bati eraso egin zion 21 urteko gizonezko batek, Donostian (Gipuzkoa). 15:00ak aldera jazo zen, biak bizi diren eraikinean; izan ere, emakumeak bizilaguna du erasotzailea.

Hainbat hedabideren arabera, eraikineko gune komun batean emakumeari gainera etorri zitzaion gizona, sexu-ukituak egiteko. Atxilotua izan zen erasotzailea, eta epailearen esku utzi dute gaur.

in AKTUALITATEA

# Indarkeria matxista

"Greba proletalgoaren gidaritzapean kokatzeko apustua" berretsi du GKSk, atzoko greba orokorraren inguruko adierazpenean

Atzoko grebari dagokionean, "proletalgoak greba egiteko eta borrokatzeko baldintzak" izan zitzan "aletxo bat jartzen ahalegindu" dela azaldu du Gazte Koordinadora Sozialistak. "Klase independentzia aldarrikatzen zuten blokeen" balorazio "oso positiboa" egin du: "Gero eta espazio zabalago batek bere egiten du langileon independentzia politikoaren bidez ekiteko beharra". Sakondu beharreko elementuen artean, "antolakuntza ofizialak prozesua langileriaren parte hartzerik gabe gauzatu" izana azpimarratu du, baita "borroka ereduaren inguruko eztabaida" ere: "Grebarako erraztasuna duten sektoreek, langile batasunaren bidez, sektore proletarizatuen greba eskubidea bermatzeko ardura izan beharko lukete". GKSk berretsi egin ditu "greba langile klase osoaren tresna bezala erabiltzeko apustua" eta "greba proletalgoaren gidaritzapean kokatzeko apustua", "langile ororen baldintza ekonomiko eta politikoak eskuratzeko tresna eraginkor modura ulertuta".