Aurreko igandean, uztailak 5, gizonezko batek bikotekide ohiari egin zion eraso Errigoitin (Bizkaia). Emakumea alabaren bila joan zen erasotzailearen etxera, eta hark sulfatatzeko likidoa bota zion aurpegira. Erasotua izan zen emakumeak kalteak izan ditu lepoan eta eztarrian. Gainera, hainbat hedabidek azaldu dutenez, ez da bikotekide ohiaren partetik jasan behar izan duen eraso bakarra izan.