Estatuen erreforma autoritarioari buruzko jardunaldi bat egingo du martxoan EHKSk

Martxoaren 16rako jarri du hitzordua, Donostian. Hizpide izango ditu, besteak beste, tentsio inperialisten gorakada, protestaren eta antolakuntza politikoaren aurkako jazarpena, faxismoa, eta estatuen erreforma autoritarioa bera.

Hurrengo hilabetean, jardunaldi politiko bat egingo du Euskal Herriko Kontseilu Sozialistak (EHKS), Donostian (Gipuzkoa). Gaur egungo koiuntura politikoa erabat markatzen duten hainbat auzi landuko dituzte saio horretan: hala nola, tentsio inperialisten gorakada, protestaren eta antolakuntza politikoaren aurkako jazarpena, faxismoa eta, orokorrean, estatuen erreforma autoritarioa. Azken auzi horrek emango dio izena, hain zuzen ere, jardunaldiari berari.

EHKSk atzo gauean eman zuen hitzorduaren berri sare sozialen bidez. Jakinarazi zuen, gainera, laster emango dituela horri buruzko xehetasunak.

➡️ JARDUNALDI POLITIKOAK:

'Estatuen erreforma autoritarioa aztergai' jardunaldiak egingo ditugu martxoaren 16an, Donostian

Laster informazio gehiago. pic.twitter.com/CWqlKSlkYc
— Euskal Herriko Kontseilu Sozialista (@EHKSozialista) February 11, 2024

in AKTUALITATEA

# Askatasun politikoak Autoritarismoa Errepresioa Euskal Herriko Kontseilu Sozialista Faxismoa Gerra Hauteskundeak Indar militarrak Kontseilu Sozialistak

11 lagun epaituko dituzte Bilbon, Voxen kontrako protesta batzuei lotuta

Voxek ekitaldi bat antolatu zuen San Frantziskon 2020ko ekainean, eta ehunka lagunek egin zuten protesta. Ertzaintza, orduan ere, manifestarien kontra oldartu zen. Horren harira epaituko dituzte orain 11 pertsona.