Badira hainbat ikasturte Gazte Koordinadora Sozialistak formakuntza mintegiak egiten dituela. Hala, Euskal Herriko hainbat puntutan banatuta eta modu jarraian, formakuntza politikoan sakontzeko saioak izaten dituzte ehunka gaztek ikasturte osoan zehar. Horretarako, hainbat testu irakurri eta oinarri modura hartzen dituzte, horietatik abiatuta, hausnarketak egiteko eta ondorio politikoak ateratzeko.
Ikasturte honetan, baina, Itaia Emakumeon Antolakunde Sozialistarekin batera egingo ditu formakuntza politikoan sakontzeko saioak GKSk. Zehazki, ondoko testuak landuko dituzte elkarrekin saio horietan: Friedrich Engelsen Ekarpena etxebizitzaren problematikari, Vladimir Leninen Nazioen autodeterminazio eskubidea, Rosa Luxemburgen Soldataren legea, Karl Marxen Kapitala laneko XXIII. kapitulua, Mao Zedongen Kontraesanari buruz, eta Iosif Stalinen Urriko Iraultza.