Gasteizen sartu da Espainiako Armada, "jende pilaketak ekiditeko eta instalazioak desinfektatzeko"

Covid-19 birusaren hedapena dela-eta Espainiako Estatuak ezarritako alarma egoeraren harira, Gasteizen eta estatuko beste 27 hiritan esku hartu du Espainiako Armadak. Arakako baseko militarrak sartu dira Araban, azaldu dutenez, "jende pilaketak ekiditeko eta instalazioak desinfektatzeko".

Gaur, martxoak 17, Gasteizen (Araba) zabaldu da Espainiako Armada. Covid-19 birusaren kutsatzea dela-eta Espainiako Estatuak ezarritako alarma egoeraren harira, Arabako hiriburuan eta estatuko beste 27 hiritan esku hartuko du Armadak, gaurtik aurrera.

Guztira, 1.800 militarrek hartuko dute parte operazioan. Arabari dagokionean, Arakako (Araba) base militarreko kideak arituko dira, Larrialdietarako Unitate Militarreko kideekin batera. Azken horiek gaur sartu dira Araban, Gasteizko Zabalgana auzotik.

Miguel Villaroya Defentsa Estatu Nagusiko buruzagiak gaur adierazi duenez, "instalazioak desinfektatzea eta jende pilaketak ekiditea" izango da haien funtzio nagusia.

Gasteizen esku hartzeaz gain, A Coruña, Alacant, Aranjuez, Avila, Castello, Granada, Jerez, Madril, Malaga, Merida, Oviedo, Palma, Pontevedra, Santander, Segovia, Sevilla, Toledo, Valentzia, Valladolid edota Zaragozan izango da Armada, baita Cadizko badian ere, Itsas Infanteriako unitateen eskutik.

in AKTUALITATEA

# Autoritarismoa

Tolosaldeko Gazte Frontea: "Ez diegu beren atzaparrak gure espazioetan sartzen utziko"

Zizurkilgo Kaxilda eta Tolosako Ezpala gaztetxeen loraldira batu eta ia urtebetera, "langileon kontrolpeko espazioen defentsa irmoa egiteko eta klase batasuna artikulatzen jarraitzeko prest" agertu da Tolosaldeko Gazte Frontea. Ertzaintzak martxoa hasieran hustu zuen Kaxilda, eta desalojo arriskuan dago Ezpala; ekainaren 4an izango da epaiketa. Burgesiak bere kartak jokatuta" ere, gazteek azaldu dute haiek ere badituztela "gaitasunak etsaiaren mugimenduei erantzuteko", eta "langileon antolakuntzarako tresnen" aldeko borroka berretsi dute.