Bizkaiko Suhiltzaileek atzo arratsaldean jakinarazi zuten "poliziarengandik ihes egin" zuen pertsona batek Asua ibaira egin zuela jauzi, Erandio (Bizkaia) parean. Antza, merkataritza-gune batean ustez lapurreta egiteagatik joan zitzaizkion atzetik hango segurtasun-langileak; ihesean ari zela, ibaira salto egin zuen azkenean, 19:30ak aldera.
Handik hiru ordu ingurura topatu zuten gaztearen gorpua; 19 urte zituen.