22 urteko gizonezko bat atxilotu dute Bilbon, sexu-erasoekin lotutako 45 delitu egotzita. Besteak beste, 13 eta 15 urte arteko hamabi neskari mehatxu bidezko sexu-erasoak egitea leporatu diote, baita haurren artean pornografia zabaltzea ere. Nafarroan erasotutako adingabe batek jarritako salaketari esker hasi zuten ikerketa: bere argazki eta bideoekin egin zioten mehatxu.
Araban, Bizkaian eta Gipuzkoan ere atzeman dituzte eraso horiek jasan dituzten pertsona gehiago, baita Euskal Herritik kanpo ere: Herrialde Katalanetan eta Andaluzian. Zabaldutako informazioaren arabera, atxilotuak gazteentzako webguneen
bitartez lortzen zuen eduki sexuala, mehatxu bidez, gero zabaltzeko.