Atzo, uztailak 14, 35 urteko gizonezko bat atxilotu zuten Gernikan (Bizkaia), adin txikiko emakume bati eraso egiteagatik. Astelehen gauean izan zen sexu-erasoa, trenean, Bilbotik (Bizkaia) Bermeora (Bizkaia) doan bidean.
Bagoi berdinean zeudela, emakumeari zuzendutako keinuak egiten hasi zen gizonezkoa; hain zuzen, zentzu sexuala zuten keinuak. Gero, behartu egin zuen: behin eta berriz saiatu zen neskari ukituak egiten, eta bagoitik alde egin zuen berak. Trenetik irten eta etxera iristean, gertatutakoa azaldu zien senideei.