Gizonezko batek emakume bati sexu-erasoa egin zion igandean Irunen

21 urteko gizonezko batek emakume bati eraso egin zion igande goizaldean Irunen. Lagunartean joan ziren etxebizitza batera, eta gela batean biak bakarrik gelditzean, ukitzeak egiteari ekin zion. Alde egitea lortu zuen emakumeak, eta erasoa salatu zuen. Durangon, bestalde, bortxatu egin zutela salatu zuen emakume batek iragan abuztuaren 21ean.

Bortxaketa Durangon

Irungoa ez da azken egunetan salatutako sexu-eraso bakarra izan, gutxienez beste bat atera baitzuten argitara joan den astean, Durangon (Bizkaia). Abuztuaren 21ean, ostirala, jazo zen: emakume batek bortxatu egin zutela salatu zuen. 48 urteko gizonezko bat da erasoaren egilea.

in AKTUALITATEA

# Indarkeria matxista

Gazte langileen aurkako jazarpen poliziala, jaietan areagotu dena, salatu dute Gasteizen

Aurreko ostiral goizaldean gazte bat atxilotu zuten Gasteizen, kalean polizia grabatzeagatik, eta haren testigantza gogorraren berri eman dute gaur dozenaka gaztek, prentsaurreko bidez. Ertzainek tratu txarrak eman eta hainbatetan jipoitu zuten atxilotutako gaztea, kalean nahiz komisaldegian. Ondorengo epaiketa azkarrean, "poliziari atentatua" egotzi zioten. "Gero eta ohikoagoa" den bortizkeria poliziala salatu dute gaurko agerraldian, eta arbuiatu dute "beldurraren bidez sumisioan hezi nahi" gaituztela, "haien behar berriei egokituko zaizkien arauetan diziplinatu" ahal izateko. Ofentsiba burgesaren testuinguruan, "askatasun politikoen defentsa" egitea "inoiz baino garrantzitsuagoa" dela adierazi dute gazteek.