Joan den astelehenetik daude greba mugagabean Donostiako (Gipuzkoa) Kursaaleko garbitzaileak. Vectalia enpresarentzat aritzen dira, eta ESK sindikatuak jakinarazi duenez, ez dute soldata-igoerarik izan 2019. urtetik. Vectaliak, gainera, ez du onartu beharginen "erosteko ahalmena bermatzeko eta lan-baldintzak hobetzeko" egin zaion proposamena. "Pleguetako aurrekontua hobetzea" eta enpresako zuzendaritzarekin biltzea proposatu dute langileen ordezkariek, baina enpresak uko egin dio horri momentuz.
Atzo, asteazkenean, Kursaal aurrean mobilizatu ziren garbiketako langileak. KPIrik gabe ez dago hitzarmenik. Garbikuntza greban lelopean egin zuten elkarretaratzea.