Festa giroan murgilduta dago Sopela (Bizkaia), eta horrekin batera, eraso matxista bat bestearen atzetik ari da argitara ateratzen. Joan den igandean eraso bat izan zela jakinarazi zuten, eta orain, berriki, beste bi erasoren berri eman dute. Ostegun gauean izan ziren azkeneko biak: batetik, hainbat emakumeri ukituak egin zizkien gizon batek, eta bestetik, zakila erakusten jardun zuen beste gizon batek.
Uribe Kostako Itaiak salatu du "emakume langileon aurkako indarkeria areagotzen" duela "jai eredu kapitalistak"; "horregatik, premiazkoa da jai giroan gertatzen diren erasoen aurrean erantzuteko mekanismoak martxan jartzea", gaineratu du.