Erregistratutako langabetuen tasak gora egin du Hego Euskal Herrian, ekainean 2.060 beharginek eman baitute izena enplegu bulegoetan. Guztira, 184.912 pertsonak dute bertan izena emana.
Dena den, tasaren igoerak joera ezberdinak izan ditu lurraldearen arabera. Nafarroan behera egin du kopuruak, 673 izen-emate gutxiago zenbatu baitituzte aurreko hilabetearekin alderatuta. Euskal Autonomia Erkidegoan, ordea, gora egin du tasak, enplegu zerbitzu publikoetako bulegoetan 2.733 langile gehiago erregistratu baitituzte aurreko hilabetean. Bizkaian da langabetuen kopurua gehien hazi, ekainean 1.351 langilek jo dutelako bulegoetara. Gipuzkoan 821 langabetu gehiago kontatu dituzte, eta Araban, 561.