Atzo, azaroak 5, Baionako (Lapurdi) epaitegian aurkeztu behar izan du Hendaiako (Lapurdi) elkarretaratze batean parte hartu zuen lagun bat. Ezarri diren neurri murriztaileak salatzeko protesta antolatu izana egotzi diote.
Atxilotu eta 24 ordu polizia-etxean pasa ondotik, epailearengana eraman zuten. Hilabete bateko espetxe zigorra ezarri dio hark, eta horrekin batera, bi isun ordaintzera behartu: bata 500 eurokoa "legez kanpoko" elkarretaratze bat egiteagatik, eta bestea 135 eurokoa, arau murriztaileak urratzeagatik.
Elkarretaratzera deitu dute larunbat honetako ere, askatasunen urraketa eta areagotu den errepresioa salatzeko.