Nafarroako Volkswagenen ekoizpena geratu behar izan dute gaur, irailaren 2an, pieza faltaren ondorioz. Berez, ukatu gabe dauden 13.000 autoren ekoizpena daukate martxan enpresan, baina txipak eta erdieroaleak falta dira lanekin jarraitu ahal izateko. Hortaz, jarduna eten behar izan duten; Landabenen (Iruñea, Nafarroa) daude amaitu gabeko auto horietako asko, baina Irañetara (Nafarroa) eta Santanderrera bideratu behar izan dituzte zenbait.
Hala, une honetan kolokan dago Nafarroako Volkswageneko ekoizpena, eta enpresa-komiteko presidenteak, Alfredo Moralesek, hilabete "oso konplikatua" izango dela esan du. Datorren astean ere gelditu eten beharko dute jarduna, bi egunetan gutxienez: irailaren 5ean eta 9an. Hala, aldi baterako enplegu-erregulazioko espedienteak jarriko dituzte martxan. Zuzendaritzak aurreikusi du, gainera, egun gehiagotan egin beharko dutela berdina, pieza falta dela-eta.