Emakume Langilearen Nazioarteko eguna da bihar, martxoaren 8an. Aurten ere mobilizazio deialdiak egin ditu Ikasle Abertzaleakek ikastetxeetan, Lotzen gaituzten kateetatik askatzeko, emakume langileok borrokara batu lelo hartuta.
Gipuzkoan, Azpeitian, Azkoitian, Oñatin, Bergaran, Arrasaten, Anoetan, Alegian, Tolosan, Eibarren, Beasainen, Urretxu-Zumarragan, Legazpin, Zumaian eta Donostian egingo dituzte elkarretaratzeak; Bizkaian, Bilbon, Derion, Gernikan, Durangon, Iurretan, Elorrion, Ondarroan, Mutrikun eta Markina-Xemeinen; Nafarroan, Iruñerriko sei ikastetxetan, Altsasun, Etxarrin, Lizarran eta Leitzan; eta Araban, aldiz, Gasteizko sei ikastetxetan.
Deialdiak campusetan ere
Bestalde, Lorratzek, Gasteizko Unibertsitateko Emakume Taldeak, Arrakalak, Bilboko Unibertsitateko Emakume Taldeen Koordinadorak, Akelarrek eta Unibertsitateko Indar Batasunak ere deitu dute mobilizatzera Hego Euskal Herriko campusetan. Euskal Herriko Unibertsitatearen Leioako campusean (Bizkaia), Gasteizkoan (Araba), Ibaetakoan (Donostia, Gipuzkoa), Bilbokoan (Bizkaia) eta Eibarrekoan (Gipuzkoa) izango dira mobilizazioak, baita Nafarroako Unibertsitate Publikoaren Iruñeko (Nafarroa) campusean ere.
Iluntzean, Itaiaren mobilizazioak
Itaia Emakumeen Antolakunde Sozialistak arratsalderako antolatu ditu mobilizazioak Euskal Herriko 32 herritan. Emakume langileok askatzeko, sozialismoa eraiki! izango dute aldarri aurtengoan.