IAk Herri Eskolak egin ditu Euskal Herriko hainbat txokotan

Otsailaren 27an "infantilizazioaz eta horren funtzioez" aritzeko hitzordua izan dute hamabost eskualdetako ikasleek. IKAS plataformaren eta martxoaren 25eko mobilizazioen inguruan ere hausnartu dute.

Larunbat honetan, otsailak 27, Ikasle Abertzaleakek antolatutako Herri Eskolak izan dira hamabost eskualdetan. Ikasleen "infantilizazioa eta horrek betetzen dituen funtzioak" izan dituzte aztergai, baita IKAS plataformaren proposamen politikoa eta martxoaren 25erako deitu dituen mobilizazioak ere. Horrez gain, egitarau kulturalaz gozatzeko aukera ere izan da hainbat tokitan.

Ondorengo udalerrietan egin dituzte Herri Eskolak oraingoan: Donostian (Gipuzkoa), Hernanin (Gipuzkoa), Bergaran (Gipuzkoa), Tolosan (Gipuzkoa), Zarautzen (Gipuzkoa), Azkoitian (Gipuzkoa), Zaldibian (Gipuzkoa), Legazpin (Gipuzkoa), Lakuntzan (Nafarroa), Lizarran (Nafarroa), Iruñean (Nafarroa), Ondarroan (Bizkaia), Atxondon (Bizkaia) eta Basaurin (Bizkaia).

in AKTUALITATEA

# Euskal Herriko Ikasle Antolakunde Sozialista Herri Eskolak

Ertzaintzak Legutioko Desjabetuon Hotelean Errakiren hitzaldi bat egitea eragotzi eta zazpi pertsona identifikatu zituen ostiralean

Arratsaldeko 18:30ean zen egitekoa Erraki Langile Kontrolpeko Babes Sarearen hitzaldia, Legutioko Desjabetuon Hotelean. Hiru ordu laurden lehenago, ordea, eraikina inguratu zuten bost ertzain patruilak, mugikortasun kontrol baten aitzakiapean. Hitzaldia egitea eragotzi eta zazpi pertsona identifikatu zituzten.