Abenduaren 19tik dago ikusgai Gedar Telebistaren Burdin Hesia programaren seigarren atala: Covid pasaportea. Ziurtagiriaren derrigortasuna gero eta eremu gehiagotara hedatzen ari diren honetan, neurri hori aztertu dute Burdin Hesia-ko tertulianoek, eta egonkortzen ari diren Estatuaren joera totalitarioen inguruan ere mintzatu dira.
Seigarren atalean, hain zuzen, Karla Pisano, Saioa Galarraga, Ander Goiatxe eta Imanol Kañamares aritu dira tertuliano lanetan. Beste behin ere, Martin Goitiandia aurkezleak gidatu du saioa.
Igande honetan, urtarrilaren 2an, emango dute argitara Burdin Hesia programaren zazpigarren atala. Erreforma ekonomikoaren inguruan jardungo dute saioan; zehazki, soldataren jaitsiera zuzenaren eta ez zuzenaren inguruan, edota inflazioaren inguruan.
Hona hemen seigarren atala, osorik: