Gaur, abenduaren 11n, Indar Gorriko bederatzi kide atxilotu ditu Espainiako Poliziak. Osasunaren zale taldeak arratsaldean eman du atxiloketen berri, eta atzemandako lagunen askatasuna aldarrikatu du.
GEDAR LANGILE KAZETAk gauean jakin ahal izan duenez, atxilotuak aske utzi dituzte jada, kargurik gabe.
Atxiloketak eta ia 70.000 euroko isunak
Joan den martxoan, Errepresioari hortzak erakutsi kanpaina jarri zuen martxan Indar Gorrik. Jakinarazi zuen aurreko hilabeteetan, guztira, hamasei atxiloketa eta 69.200 euroko isunak jasan behar izan zituela talde nafarrak.