Bart beste langile batek galdu zuen bizia soldatapean lanean ari zela. Oraingoan Irunberriko (Nafarroa) Acciones Blades enpresan izan da ezbeharra: atzerako martxan zihoan kamioi batek harrapatu zuen behargina. 23:00 aldera izan zen lan-istripua.
2021. urtea hasi zenetik, Euskal Herrian gutxienez hamar langile hil dituzte haien lanpostuetan. Aurreko ostiralean Azpeitian (Gipuzkoa) izan zen lan-heriotza bat; hain zuzen, kamioi bat deskargatzen ari zela, metalezko hodi batzuek hartu zuten azpian langile bat.