Josu Urrutikoetxea Espainiaratzeko agindua berretsi du Frantziako Kasazio Auzitegiak

Parisko Dei Auzitegiak aurretiaz onartua zuen Urrutikoetxearen aurkako euroagindu eskaera, baina bere abokatuek helegitea aurkeztu zuten. Frantziako Estatuan bere aurkako beste bi prozedura daude indarrean.

Frantziako Kasazio Auzitegiak onetsi egin du Josu Urrutikoetxea Espainiaratzeko agindua, EFE agentziaren arabera. Espainiako Auzitegi Nazionalak, herriko tabernen auziaren harira, haren aurkako euroagindu eskaera egin zuen. Parisko Dei Auzitegiak, berriz, pasa den irailaren 30ean eman zion baiezkoa eskakizunari. Urrutikoetxearen abokatuek helegitea aurkeztu zuten arren, Frantziako Kasazio Auzitegiak ez ditu haien argudiaketak onartu.

Urrutikoetxea atxilotu zutenetik, hura Espainiaratzako lau eskaera egin ditu Madrilek: bi euroagindu eta beste bi estradizio eskaera. Iragan uztailean egindakoan, "gizateriaren kontrako krimenak" leporatu zizkioten, baina euroagindu eskakizun hori atzera bota zuen Parisko Dei Auzitegiak. Bi estradizioen inguruko erabakiak oraindik ebazteke ditu Frantziako botere judizialak.

Bi akusazio Frantzian

Urrutikoetxeari beste bi epaiketa ere egin behar dizkiote Frantzian: ETAko militante izateagatik akusatzen dute bi-bietan. Bata 2005-2006 urteetako prozesuari lotuta dago, eta otsailera atzeratu zuen Parisko Dei Auzitegiak; besteak, aldiz, 2010-2013 urteetako prozesuarekin dauka zerikusia, eta instrukziora bidaltzea ondorioztatu zuen Parisko Zigor Auzitegiak.

in AKTUALITATEA

# Zuzenbide burgesa

121 kaleratze adostu ostean, Zamudioko 400 langileri ezarri die aldi baterako lan-erregulazioa ITP Aerok

Aldi baterako kontratua duten 71 langile kanporatuko ditu ITP Aeroko zuzendaritzak, eta aurretiko erretiroa hartzera bihurtu ditu beste 48 behargin, zortzi baja bultzatzeaz gain. Orain, gainera, aldi baterako enplegu erregulazio espedientea ezarri die Zamudioko fabrikan jarduten duten 426 langileri.