Langile bat eraila Luiaondoko mendietan, pinu batek kolpatuta

40 urteko beharginak basogintza enpresa batentzat jarduten zuen soldatapean, eta Luiaondoko mendietan lanean ari zela, pinu bat erori zaio gainera. Kolpearen ondorioz hil da, eguerdi aldera.

Gaur, maiatzak 5, beste langile bat erail dute Luiaondoko (Aiara, Araba) mendietan. Basogintza enpresa batean jarduten zuen, eta soldatapean lanean ari zela, pinu bat erori zaio gainera. Larrialdi-zerbitzuak bertaratu dira, eta zauritutako langilea artatu duten arren, ez dute salbatzerik izan. Hala, pinuaren kolpearen ondorioz zendu da 40 urteko behargina. Uneotan, Luiaondon jazotakoa ikertzen ari da Osalan.

Urtea hasi zenetik, gutxienez 26 langile hil dituzte Euskal Herrian. Apirilaren 23an izan ziren azken bi hilketak, eta bestalde, bihar beteko dira hiru hilabete Zaldibarko (Bizkaia) hondakindegian bi behargin desagertu zirenetik.

in AKTUALITATEA

# Soldata sistema

Ikasleen baldintzei lotutako bi eskaera egin ditu Aiaraldeko IAk, eta sinadura-bilketa abiatu du Laudion

Eskualdeko 206 ikaslek erantzun dute Aiaraldeko IAk osatutako galdetegia. Erantzunak aztertuta, bi aldarrikapen nagusi mahaigaineratu dituzte IAko kideek: batetik, ikastetxeek ikasturte hasieran zehaztutako egutegi eta ordutegiak errespetatzea eta hortik kanpo ematen diren eskolak bertan behera uztea, eta bestetik, ikasketa prozesua ikasleen beharretara egokitzea, beharrezkoa den edukia soilik landuz, esaterako. Momentuz Laudioko Ikastolan eta institutuan jarri dute martxan sinadura-bilketa, baina ez dute baztertu eskualdeko gainontzeko heziguneetan ere "eztabaida prozesuak" abiatzea.