Asteko bigarren lan-heriotza izan da gaurkoan, hain justu, Portugaleten (Bizkaia). Eraikuntza lanetan jarduten zuen behargin batek galdu du bizia oraingoan, bost pisuko eraikin bateko teilatutik amilduta.
Iturri sindikalen arabera, urtea hasi zenetik, Euskal Herrian gutxienez 56 langile izan dira erailak soldatapean lanean ari zirela. Atzo bertan atera zen argitara beste heriotza bat: harreragile gisara aritzen zen behargin bat zendu zen Donostiako (Gipuzkoa) hotel batean, ondoezik sentitu eta gero.